ԱՄՆ նախագահ Ջո Բայդենի հետ հանդիպումից հետո ՌԴ նախագահ Վլադիմիր Պուտինը հայտարարեց, որ Ռուսաստան-ԱՄՆ գագաթնաժողովում երկու կողմերն էլ ցանկություն են հայտնել փնտրել դիրքորոշումների մերձեցում. զրույցը կառուցողական է եղել:
«Կարծում եմ, որ թշնամանք չի եղել, հակառակը՝ մեր հանդիպումը սկզբունքորեն դաշտում է տեղի ունեցել: Իհարկե, մեր գնահատականները շատ կետերով տարբերվում են, բայց, իմ կարծիքով, այնուամենայնիվ, երկու կողմերն էլ ցանկանում են հասկանալ միմյանց: Զրույցը շատ կառուցողական էր», - ասաց Պուտինը Ժնևում կայացած գագաթնաժողովին հաջորդած մամուլի ասուլիսում: Նա հավելեց, որ «Ռուսաստանն ու Միացյալ Նահանգները միասին ունակ են լուծել ցանկացած հարց»:
Նա ասաց, որ երկու երկրների դեսպանները կվերադառնան իրենց աշխատանքին: «Ե՞րբ՝ վաղը, թե մյուս օրը՝ դա զուտ տեխնիկական հարց է», - ասաց Պուտինը:
«Մենք նաև պայմանավորվեցինք, որ Ռուսաստանի Դաշնության Արտաքին գործերի նախարարությունը և ԱՄՆ պետքարտուղարությունը խորհրդակցություններ կսկսեն դիվանագիտական տրեկում համագործակցության ողջ շրջանակի շուրջ, լուծումներ փնտրելու համար: Խոսելու բան շատ կա, այդտեղ մեծ կուտակվումներ են: Ինձ թվում է, որ այդ թվում ամերիկացիները վճռական են լուծումներ փնտրելու հարցում», - ասաց Պուտինը:
Ռուսաստանի ղեկավարը նշել է նաև, որ ՌԴ ԱԳՆ-ն և ԱՄՆ պետքարտուղարությունը կաշխատեն նաև դատապարտյալների փոխանակման հարցի շուրջ.:
Այդուհանդերձ, խոսելով Ռուսաստանի և ԱՄՆ-ի «կարմիր գծերի» մասին, Պուտինը նշեց. «Ես և Բայդենը այդքան հեռու չենք հասել»:
Ռուսաստանի և Միացյալ Նահանգների ղեկավարները համատեղ հայտարարություն են ընդունել նաև ռազմավարական կայունության վերաբերյալ:
Էջի հասցեն: https://verelq.am/hy/node/89191