Հայաստանի Փաստաբանների պալատի նախագահ Արա Զոհրաբյանը տեղեկացրել է, որ այսօր, ժամը 15:00-ին, լինելու են ՀՀ գլխավոր դատախազության մոտ:
«22.05.2021թ. «Զարթոնք» ազգային քրիստոնեական կուսակցության և 5165 շարժման համատեղ հանրահավաքի ժամանակ հայտնեցի, որ հանցագործության մասին հաղորդում է ներկայացվելու Հայաստանի սահմանների վերաբերյալ փաստաթուղթ ստորագրելու ցանկություն հայտնած Նիկոլ Փաշինյանի՝ վարչապետի պաշտոնը պահելու (յուրացնելու) արարքի կապակցությամբ:
Այսօր՝ 24.05.2021թ. ժամը 15:00-ին, լինելու ենք ՀՀ գլխավոր դատախազության մոտ:
Հաղորդմանը միանալու ցանկություն ունեցող քաղաքացիները կամ կազմակերպությունները կարող են ժամը 15:00-ից մինչև 16:00-ն մոտենալ ՀՀ գլխավոր դատախազության դիմաց և ստորագրել: Նախատեսում ենք ժամը 16:00-ին հաղորդումը հանձնել դատախազություն»:
Էջի հասցեն: https://verelq.am/hy/node/87651