Մայիսի 19-ին Ռեյկյավիկում Սերգեյ Լավրովի և ԱՄՆ պետքարտուղար Էնթոնի Բլինկենի հանդիպման ընթացքում տարածաշրջանային խնդիրների համատեքստում քննարկվել է հայ-ադրբեջանական սահմանին տիրող ճգնաժամը:
Ինչպես հաղորդում է ԱՄՆ-ի պետդեպարտամենտի մամլո ծառայությունը, Լավրովը և Բլինկենը «քննարկել են տարածաշրջանային հարցեր, այդ թվում Հայաստանի և Ադրբեջանի միջև հակամարտության երկարաժամկետ քաղաքական կարգավորման որոնումը»:
Հատկանշական է, որ այս առումով Ռեյկյավիկում Լավրովի և Բլինկենի հանդիպման մասին Ռուսաստանի ԱԳՆ-ի և ԱՄՆ պետդեպարտամենտի պաշտոնական մամլո հաղորդագրությունները տարբերվում են։ Ռուսաստանի ԱԳՆ պաշտոնական հաղորդագրության մեջ ոչինչ չի ասվում Հայաստանի և Ադրբեջանի սահմանին իրավիճակի քննարկման մասին:
Ամերիկյան տարբերակում էլ քիչ կոնկրետություն կա։ Ամերիկյան կողմի հաղորդագրության համաձայն, հանդիպմանն անդրադարձ է եղել, մասնավորապես, Աֆղանստանում և Սիրիայում տիրող իրավիճակին, Իրանի և ԿԺԴՀ-ի միջուկային ծրագրերին, Ռուսաստանի և Ուկրաինայի սահմանին տիրող իրավիճակին, ինչպես նաև «Հայաստանի և Ադրբեջանի միջև հակամարտության երկարաժամկետ քաղաքական կարգավորման որոնումներին»:
Էջի հասցեն: https://verelq.am/hy/node/87443