ՀՀԿ-Հայրենիք կուսակցությունների նախընտրական դաշինքը կկոչվի «Պատիվ ունեմ», որի վարչապետի թեկնածուն Արթուր Վանեցյանն է։ Այդ մասին հայտարրավել է մայիսի 15-ին դաշինիքի ձևավորման միջոցառման ժամանակ։
Նիկոլ Փաշինյանն ու նրա թիմը «պետությունը լայն քայլերով տանում են դեպի վերջնական կործանում», ելույթ ունենալով միջոցառման ժամանակ հայտարարել է ՀՀ երրորդ նախագահ, Հայաստանի Հանրապետական կուսակցության նախագահ Սերժ Սարգսյանը։
Նրա խոսքով, այսօր Արցախում և Հայաստանում ամեն օր մարդիկ արթնանում են անորոշության, վերահաս վտանգի վախերի, ապագայի նկատմամբ թերահավատության, հուսահատության ու ապատիայի մեջ: Մի մասն էլ, ըստ նրա, իրականության ընկալումն ամբողջովին կորցրել է՝ անտարբերության զգացողությամբ կամ պարտված ժողովրդի թերարժեքության բարդույթով:
Նա նաև կարծիք հայտնեց, որ ժողովրդին այս վիճակում հասցրել է Նիկոլ Փաշինյանի իշխանությունը։ «Չարի իշխանության դեմ պայքարում պահանջվելու է բոլոր առողջ քաղաքական ուժերի համախմբումը», - ասել է նա՝ նկատելով, որ անհնարին ոչինչ չկա։
«Մենք դա ապացուցել են արցախյան առաջին պատերազմում և մինչև 2018-ի ապրիլի 23-ը, այդ թվում՝ 2016-ի ապրիլին»,- նշել է Սերժ Սարգսյանը:
Միջոցառմանը ելույթ է ունեցել նաև դաշինքի վարչապետի թեկնածու Արթուր Վանեցյանն ու խոսել առաջիկա անելիքիներից: Նա հայտնեց, որ ընտրություններին գնալու ենք «ժողովրդի դուռը»՝ գալիս ենք լսելու նրա խնդիրը: «Համատեղ ջանքերով լծվելու ենք դրանց հաղթահարման գործին։ Ուղղիր մեջքդ, կպնե՛նք գործի, որ ապրենք», - ասել է նա։
Երկու կուսակցությունների առաջնորդների ելույթներից հետո կողմերը հուշագիր ստորագրեցին:
Միջոցառման ավարտին Սերժ Սարգսյանը լրագորղների՝ «ինչու նա չէ դաշինքի վարչապետի թեկնածուն» հարցին ի պատասխան ասել է, որ այլևս չի հավակնելու պետական բարձր պաշտոնների:
Էջի հասցեն: https://verelq.am/hy/node/87168