Ռուսաստանի և Ադրբեջանի արտաքին գործերի նախարարներ Սերգեյ Լավրովը և Ջեյհուն Բայրամովը հեռախոսազրույց են ունեցել, որի ժամանակ քննարկել են ադրբեջանա-հայկական սահմանին առկա իրավիճակի սրումը: Այս մասին հայտնում է ՌԴ ԱԳՆ-ն։
«Ռուսաստանի կողմից ադրբեջանա-հայկական սահմանին իրավիճակի սրման հետ կապված, ինչպես նախկինում Սերգեյ Լավրովի և Հայաստանի արտգործնախարար Արա Այվազյանի հեռախոսազրույցի ընթացքում, հաստատվել է հրադադարի ռեժիմը խստորեն պահպանելու անհրաժեշտությունը, ինչպես նաև 2020 թ. նոյեմբերի 9-ի և 2021 թ. հունվարի 11-ի Հայաստանի և Ռուսաստանի ղեկավարների հայտարարությունների խստիվ կատարումը», – ասված է հաղորդագրության մեջ:
Նշվում է, որ զրույցի ընթացքում կողմերը նշել են բոլոր նման միջադեպերի բացառապես քաղաքական և դիվանագիտական մեթոդներով լուծման կարևորությունը:
Էջի հասցեն: https://verelq.am/hy/node/87044