Ռուսական խաղաղապահ զորախմբի հումանիտար ականազերծման վաշտի ինժեներասակրավորական խմբերը շարունակում են Լեռնային Ղարաբաղի տարածքի մաքրումը մինսկյան վտանգից եւ պայթյունավտանգ առարկաներից: Այս մասին մայիսի 12-ին հայտնել Է ՌԴ ՊՆ մամուլի ծառայությունը։

Ներկայում ռուս զինծառայողները պայթունավտանգ իրերի որոնման աշխատանքներ են իրականացրել Մատաղիս բնակավայրի ծայրամասում, ինչպես նաեւ Մարտակերտ-Մատաղիս մայրուղու երկայնքով: Այդ հատվածում աշխատանքների կատարման ընթացքում ռուս սակրավորները վնասազերծել են մոտ 15 պայթուցիկ առարկա։

Ընդամենը 2020 թվականի նոյեմբերի 23-ից չպայթած զինամթերքից հումանիտար ականազերծման ստորաբաժանման զինծառայողների կողմից մաքրվել է 2104 հեկտար տարածք, ավելի քան 650 կիլոմետր ճանապարհ, 1806 շենք, այդ թվում՝ 30 սոցիալապես կարեւոր օբյեկտներ, հայտնաբերվել եւ վնասազերծվել է 25611 պայթուցիկ առարկա:

Սակրավորների հայտնաբերած պայթուցիկ իրերը դուրս են բերվում և ոչնչացվում Բալիջա հատուկ սարքավորված զորավարժարանում։ Զինամթերքը, որը հնարավոր չէ տարհանել, ոչնչացվում է տեղում՝ ապահովելով պայթուցիկ աշխատանքների ժամանակ անվտանգության բոլոր անհրաժեշտ միջոցները։

Ռուսաստանի նախագահի, Ադրբեջանի նախագահի եւ Հայաստանի վարչապետի համատեղ հայտարարության մեջ նշված պայմանավորվածությունների համաձայն, 2020 թվականի նոյեմբերի 10-ին Մոսկվայի ժամանակով 00:00-ից սկսած հայտարարվել է Լեռնային Ղարաբաղում կրակի եւ բոլոր ռազմական գործողությունների լիակատար դադարեցում:

Լեռնային Ղարաբաղում կրակի դադարեցման եւ ռազմական գործողությունների վերահսկման համար տեղակայված է Ռուսաստանի Դաշնության խաղաղապահ զորախումբը:

Ռուսական խաղաղապահ զորակազմի հիմքը կազմում են Կենտրոնական ռազմական օկրուգի 15 առանձին մոտոհրաձգային բրիգադի (խաղաղապահ) ստորաբաժանումները: