Վարչապետ Նիկոլ Փաշինյանի Սյունիքի մարզի Մեղրի համայնք ապիլի 21-ին տեղի ունեցած այցն անցավ համայնքի բնակիչների ու երկրի ղեկավարի անվտանգության աշխատակիցների միջև հրմշտոցներով: Վարչապետ Նիկոլ Փաշինյանը քայլերթ էր իրականացնում Մեղրիում՝ քաղաքացիների՝ «Նիկոլ, դավաճան», «Նիկոլ, կապիտուլյանտ» վանկարկումների ներքո։

Ինչպես նշում են տեղում գտնվող լրագրողները, Փաշինյանն այցելել է Սյունիքի մարզ ուժեղացված անվտանգությամբ: Մեղիրում մի քանի անգամ վարչապետի կողմնակիցների, անվտանգության աշխատակիցների ու բողոքի ցույցի դուրս եկած քաղաքացիների միջև տեղի ունեցան հրմշտոցներ: Բողոքի ակցիայի մասնակիցները վանկարկում էին «Նիկոլ, դավաճան», «թուրք Նիկոլ»՝ պահանջելով հեռանալ Մեղրիից և Սյունիքի մարզից:

Այունամենայնիվ նախապես չհայտարարված այցով Սյունիք մեկնած վարչապետ Փաշինյանն ավրատեց իր քայլերթը Մեղրիում և հեռացավ այնտեղից: Դեռևս պարզ չէ, թե Սյունիքի որ քաղաք է շարժվել վարչապետի ավտոշարասյունը։

Վարչապետ Նիկոլ Փաշինյանն ապրիլի 20-ի երեկոյան այցելել է Սյունիքի մարզի Շուռնուխ համայնք։ «Վարչապետի հետ հյուրընկալվեցինք Շուռնուխի մի քանի տներում և եղանք գյուղամիջում։ Չէին սպասում»,- ֆեյսբուքի իր էջում գրել է Ազգային ժողովի փոխնախագահ Ալեն Սիմոնյանը։

Վարչապետի Սյունիք այցի մասին նախապես չէր հյատարարվել: Ըստ մամուլի տեղեկությունների՝ այն գաղտնի է պահվել, ուժայիններն այդ մասին իմացել են վերջին պահին, նույնիսկ ճանապարհային ոստիկանությանն ընդամենը կես ժամ առաջ են տեղեկացրել, որ պետք է ուղեկցեն Փաշինյանին:

Հատկանշական է, որ սա Ղարաբաղյան երկրորդ պատերազմի ավարտն ազդադարող նոյեբերի 9-ի հայտարարությունից հետո Փաշինյանի երկրորդ այցն է Սյունիքի մարզ: Առաջին անգամ Փաշինյանը փորձել է այցելել Սյունիքի մարզ անցյալ տարվա միայն դեկտեմբերի 21-ին։ Վարչապետը նախապես հայտարարել էր, որ Մեղրիում, Կապանում, Գորիսում, Սիսիանում հանդիպելու քաղաքացիների հետ, սակայն Սիսիանում հանդիպումներից հետո վերադարձել էր Երևան։

Սյունեցիները՝ դժգոհ լինելով սահմանազատումներից, փակել էին մարզ մտնող ճանապարհը՝ Փաշինյանը մուտքը թույլ չտալու համար։