Արցախի տարածքների դեօկուպացիան պետք է դառնա քաղաքական բանակցությունների առարկա. վարչապետ

Արցախի տարածքների դեօկուպացիան պետք է դառնա քաղաքական բանակցությունների առարկա, այլ ոչ թե ռազմական։ Այս մասին այսօր՝ ապրիլի 14-ին, խորհրդարանում հայտարարել է ՀՀ վարչապետ Նիկոլ Փաշինյանը։


Նրա խոսքով՝ Հայաստանը շարունակելու է ջանքեր գործադրել Արցախի կարգավորման գործում «անջատում հանուն փրկության» սկզբունքը կյանքի կոչելու համար։ «Բոլորս ականատես եղանք մի քանի օր առաջ Ադրբեջանում տեղի ունեցած իրադարձություններին։ Տեղի ունեցածն աննախադեպ է և անընդունելի, և մենք պետք է օգտագործենք բոլոր միջազգային ամբիոնները՝ միջազգային հանրության ուշադրությունը հրավիրելու համար», - հայտարարել է Փաշինյանը՝ խոսելով Բաքվում այսպես կոչված «ռազմավարի այգու» բացման մասին։


Նա ընդգծել է, որ «պարկում» ցուցադրվում են հայերի տառապանքները, ինչը Ադրբեջանում հայերի հանդեպ ատելության քաղաքականության ամենանշանակալի եւ անվիճելի հաստատումն է: Այս փաստը, ինչպես նաև ատելության քարոզչության բազմաթիվ այլ դրսևորումներ պետք է ընկած լինեն Արցախի նկատմամբ «անջատում հանուն փրկության» սկզբունքի կիրառման անհրաժեշտության փաստարկների հիմքում։


Նշումներ:

Էջի հասցեն: https://verelq.am/hy/node/85119