Հանրապետության նախագահ Արմեն Սարգսյանն այսօր հանդիպել է ՀՀ Զինված ուժերի գլխավոր շտաբի պետ, գեներալ-գնդապետ Օնիկ Գասպարյանի հետ:
Նախագահականից հայտնում են, որ զրուցակիցները մասնավորապես անդրադարձել են վերջին իրադարձությունների առնչությամբ ստեղծված լարված իրավիճակին: Նշվել է, որ, անկախ այդ կապակցությամբ որոշումներից, առաջնահերթ կարևորություն են երկրի անվտանգությունն ու կայունությունը:
Նախագահ Սարգսյանը նշել է, որ զինված ուժերը մշտապես պետք է լինեն բոլորիս հոգածության ներքո, և ինքը շարունակելու է ուշադրության կենտրոնում պահել բանակը և նրա խնդիրները:
VERELQ-ը հիշեցնում է, որ վերջին օրերին սա արդեն երկրորդ հանդիպումն է Արմեն Սարգսյանի և Օնիկ Գասպարյանի միջև: Նախորդ հանդիպումը տեղի էր ունեցել փետրվարի 27-ին:
Էջի հասցեն: https://verelq.am/hy/node/82270