«Իմ քայլը» իշխող դաշինքի խմբակցության անդամ Անդրանիկ Քոչարյանն այսօր՝ մարտի 2-ին, խորհրդարանում հայտարարությունների ժամին ընդդիմությանը մեղադրել է գործող իշխանության և բանակի միջեւ պառակտում մտցնելու փորձի մեջ:

Քոչարյանը նշել է, որ 1999թ.հոկտեմբերի 27-ի ահաբեկչությունից հետո երկրի զինված ուժերը սկսեցին օգտագործվել քաղաքական նպատակներով, ինչը հանգեցրեց բանակային շարքերում անտարբերության եւ կոռուպցիայի աճին: «Դա, իր հերթին, հանգեցրել է 2016 թվականի ապրիլյան պատերազմի ընթացքում հայկական կողմի պարտությանը, ինչպես նաեւ 2020թ. Արցախյան երկրորդ պատերազմի ընթացքում բանակի ոչ պրոֆեսիոնալ կառավարմանը», - կարծում է Քոչարյանը:

Քոչարյանը նշել է, որ Հայաստանի ԶՈՒ ԳՇ նախկին պետ Յուրի Խաչատուրովը ընդդիմության հանրահավաքի ժամանակ ողջունել է ԶՈՒ գլխավոր շտաբի աղմկահարույց հայտարարությունը, փոխարենը կոչ աներ զինվորականներին չմիջամտել քաղաքական գործընթացներին երկրի համար այդքան ծանր պահին: «Ակնհայտ է, որ բանակի ներգրավումը քաղաքական գործընթացներում ի սկզբանե ծրագրված և միտումնավոր է իրականացվում՝ երկրի ներքին ապակայունացման նպատակով», - հայտարարեց պատգամավորը:

Նա վստահ է, որ երկրի համար այս ծանր պահին հենց ընդդիմությունն է «կախված բանակից և թույլ չի տալիս նրան վերականգնվել»։ «Հայաստանի զինված ուժերը ոչ միայն գեներալներ են, որոնք ստորագրել են այդ հայտարարության տակ, այլ գեներալներ, սպայական կազմ, զինվորներ, որոնք պատերազմի 44 օրը հերոսաբար կռվել են հանուն հայրենիքի», - նշել է Քոչարյանը:

Գլխավոր շտաբի ներկայացուցիչների մի մասը, վստահ է պատգամավորը, փորձում է ռազմական հեղաշրջում իրականացնել, և այդ գործողությունները պետք է դատապարտվեն։