Հայաստանի խորհրդարանի արտաքին հարաբերությունների հանձնաժողովը հավանություն է տվել առաջիկա քառօրյայի օրակարգում «Ադրբեջանի քաղաքականությունը դատապարտելու մասին ԱԺ որոշման նախագծի ընդգրկմանը, որը խոչընդոտում է ռազմագերիների և պահվող քաղաքացիական անձանց, այդ թվում՝ կանանց վերադարձին»:
ԱԺ որոշման նախագիծը ներկայացրել են անկախ պատգամավորներ, վերջերս իշխող «Իմ քայլը» դաշինքի անդամներ Տագուհի Թովմասյանը, Աննա Գրիգորյանը և Վարդան Աթաբեկյանը: Մինչև քվեարկությունը Թովմասյանը նշել է, որ նախագծի հեղինակները ընդունել են եւ հաշվի են առել բոլոր առաջարկները եւ ճշգրտումները, որոնք ներկայացված են ԱԳՆ-ի եւ պետական-իրավական հարցերի հանձնաժողովի կողմից: Որոշման նախագիծը հավանության արժանացավ միաձայն։
Նշենք, որ ավելի վաղ պատգամավորները պայմանավորվել էին պատգամավորների նախաձեռնությունը քննարկել փակ ռեժիմով: Քննարկմանը մասնակցում էին նաև պետական-իրավական հարցերի մշտական հանձնաժողովի նախագահ Վլադիմիր Վարդանյանը և մարդու իրավունքների ու հանրային հարցերի հանձնաժողովի փոխնախագահ Անի Սամսոնյանը:
Հիշեցնենք, որ հիմնավորումներում պատգամավորները նշել էին, որ Ադրբեջանը որդեգրել է բոլոր գերիների վերադարձի գործընթացի արհեստական ձգձգման քաղաքականություն: Ավելին՝ ադրբեջանական կողմը նախաձեռնում է գերիների նկատմամբ քրեական հետապնդման քայլ՝ նրանց համարելով ահաբեկիչներ։ Ադրբեջանական կողմի գործողությունները միջազգային կոնվենցիաների կոպիտ խախտում են, վստահ են պատգամավորները:
Էջի հասցեն: https://verelq.am/hy/node/82073