Խորհրդարանի արտահերթ նիստ հրավիրելու հարցով Ազգային ժողովի խորհրդի՝ ժամը 11:00-ին նշանակված նիստը կրկին տապալվեց: Լրագրողների հետ զրույցում «Լուսավոր Հայաստան» խմբակցության ղեկավար Էդմոն Մարուքյանը նշեց, որ խորհրդի նիստը տեղի չի ունեցել առաջին հերթին այն պատճառով, որ խորհրդարանի խոսնակ Արարատ Միրզոյանը չի եկել և նիստը չի բացել:

«Նման գործողությունները ես գնահատում եմ որպես արտահերթ նիստ անցկացնելու նախաձեռնությամբ հանդես եկած խորհրդարանի 1/5 պատգամավորների նկատմամբ անհարգալից վերաբերմունքի դրսեւորում։ Բացի այդ, դա նշանակում է, որ ԱԺ նախագահը չի կատարում իր գործառույթները, չի ապահովում խորհրդարանի բնականոն աշխատանքը։ ԱԺ նախագահը, լինելով երկրորդ, դե թող պետության երրորդ դեմքը, գոյություն չունի քաղաքական տեսանկյունից», - հայտարարել է նա։

Մարուքյանը նշեց, որ բոլոր պատգամավորները, այդ թվում նաեւ ԱԺ նախագահը՝ երդում են տվել, պարտավորվելով աշխատել ի շահ քաղաքացիական համերաշխության ապահովման: «Սակայն խոսնակը չի ձեռնարկում եւ, ըստ ամենայնի, չի կարող որեւէ քայլ ձեռնարկել երկրում լարվածության թուլացման եւ ներքին հակասությունները քաղաքական հուն տեղափոխելու համար», - նշել է ԼՀԿ ղեկավարը:

Խորհրդարանական ընդդիմությունը նախաձեռնել է արտահերթ նիստ, որպեսզի «գործընթացները փողոցից տեղափոխեն քաղաքական ինստիտուտ»։ «Իշխանությունների բոլոր հայտարարությունները, երկխոսության կոչերը, քաղաքական խորհրդակցություններ անցկացնելու կոչերը պարզապես սուտ են, մարդը նույնիսկ չի եկել բացել խորհրդի նիստը եւ արձանագրել քվորումի բացակայությունը եւ հայտարարել նիստը բոյկոտելու իշխող ուժի քաղաքական որոշման առկայության մասին», – հայտարարել է Մարուքյանը:

Արարատ Միրզոյանի գործողությունները թույլ են տալիս մեկ եզրահանգում անել՝ Հայաստանի Ազգային ժողովը նախագահ չունի, հայտարարել է ԼՀԿ ղեկավարը։ Խոսնակի պահվածքի պատճառով անհասկանալի է՝ քվորում եղել է՞, թե՞ ոչ։ «Եթե նիստը բացվեր, կհայտարարվեր քվորումի բացակայության մասին և դրանից հետո ևս 2 ժամ կլիներ քվորում ապահովելու համար։ Հիմա էլ անհասկանալի է՝ բաց է քվորում, թե ոչ։ Աբսուրդ վիճակ է ստեղծվել», - վրդովվեց Մարուքյանը։

Նա չի բացառել արտահերթ նիստ գումարելու հնարավորությունը առանց ԱԺ խորհրդի նիստի անցկացման, ինչպես արդեն արվել է անցյալում: «Մենք կարող ենք գնալ այդ ճանապարհով, բայց դրա համար եւս 6 օր կպահանջվի։ Բայց երկիրը գտնվում է օպերատիվ լուծում պահանջող վիճակում։ Իրավիճակի լուծման ուղիները քննարկելու համար պետք են կողմերը, պետք է մասնակցենք, ում հետ քննարկենք։ Պատերի՞ հետ»- հարց տվեց Մարուքյանը։