Ուժային էքստրիմի գծով Ռուսաստանի եւ աշխարհի ռեկորդակիր Սերգեյ Աղաջանյանը (Հալկ) նոր ռեկորդ է սահմանել.այս տարվա մայիսին նա կփորձի տեղից շարժել եւ դուրս մղել աշխարհի ամենամեծ Մի-26 ուղղաթիռը՝ ավելի քան 30 տոննա քաշով:
«Մայիսին «Տոմիլինո ավանում» «Ռուսաստանի ուղղաթիռներ» ԲԸ-ի բաց դռների օրը կփորձեմ քաշել լեգենդար խորհրդային եւ ռուսական ծանր տրանսպորտային Մի-26 ուղղաթիռը՝ ավելի քան 30 տոննա քաշով, որը աշխարհում խոշորագույն սերիական արտադրվող տրանսպորտային ուղղաթիռն է», - ՌԻԱ Նովոստիին հայտնել է Աղաջանյանը:
Նրա խոսքով՝ Մի-26 ուղղաթիռով ուժային էքստրիմի ռեկորդի յուրահատկությունն այն է, որ մարզիկը կփորձի նրան «հանել» առանց հատուկ հարմարանքների օգնության, ինչպիսիք են աստիճանները, որոնք օգտագործում են ուժային էքստրիմի կողմնակիցները՝ կշռով նման տրանսպորտային միջոցների քարշակման համար, միայն ճոպանուղու օգնությամբ:
«Իսկ ամենայուրահատուկն ու անհնարինն այն է, որ ուղղաթիռի քարշակման հետ միաժամանակ երեք լիտր ծավալով բժշկական տաքացուցիչը փչելու եմ, ինչպես արդեն արել եմ իմ համակցված հնարքներում, որոնք նույնպես համաշխարհային ռեկորդ են դարձել», - ասել է Աղաջանյանը:
Ռեզոնանսային ռեկորդը կգրանցի Ռուսաստանի ուժային էքստրիմի ֆեդերացիան. հոգաբարձուների խորհրդի նախագահ, ամենատիտղոսակիր եւ հեղինակավոր հայրենական էքստրեմալ Միխայիլ Կոկլյաեւը եւ ֆեդերացիայի նախագահ, ուժային էքստրիմի Ռուսաստանի հավաքականի գլխավոր մարզիչ Վասիլի Գրիշչենկոն:
Էջի հասցեն: https://verelq.am/hy/node/80295