Պատերազմի և կորոկավիրուսի համավարակի հետևանքով Հայաստանում հարկային ճեղքն էականորեն ընդլայնվելու է, որի կրճատման ուղղությամբ կառավարությունն արդեն իսկ քայլեր է մշակում: Այն է՝ նպատակ ունի վերանայել ավելացված արժեքի հարկից ազատման արտոնություններ, ինչպես նաև շրջանառության և միկրոձեռնարկության հարկման համակարգերը:
«Մենք պետք է հասկանանք, թե որքանով արդյունավետ են աշխատում այն արտոնությունները: Արդյոք դրանիցից չենք օտվում այն տնտեսավրողները, որոնց համար դրանք նախատեսված չեն: Արդոյք դրանք ծառայում ենք իրենց նպատակին, թե ուղղակի պետությունից ռեսուրս են տանում», - այսօր՝ հունվարի 20-ին ասաց լրատվամիջոցների հետ զրույցում ֆինանսների փոխնախարար Արման Պողոսյանը՝ հավելելով, որ ԱԱՀ-ից ազատման արտոնությունների հանրագումարը կազմում է ՀՆԱ-ի շուրջ 7 տոկոսը:
«Սա բավականին տպավրոիչ թիվ է, եթե համեմատում ենք մեր համեստ կարողությունների հետ: Եթե կարողանանք դրա հիմնական մասը հարկել, ապա այդ ծախսերը կարող են ուղղվել սոցիալական, առողջապահական, կրթական նշանակության խնդիրները լուծելու համար», - ասաց Պողոսյանը:
Նրա խոսքով, շրջանառության և միկրոձեռնարկության հարկման համակարգի վերնայման խնդիրը ցանկանում են լուծել մինչև այս տարվա վերջ: «Եթե մենք քննարկումների ժամանակ հասկանանք, որ ըտրված է ճիշտ ուղի, ապա նախատեսում ենք, որ այդ փոփոխություններն ուժի մեջ կմտնեն 2022 թ-ի հունվարի մեկին», - ասաց նա:
Շրջանառության հարկման համակարգն ընդլայնվել է 2019-ին՝ ԱԱՀ-ի շեմը դարձավ 115 մլն՝ 58 մլն-ի փոխարեն:
Նույն ժամկետում ֆինանսների նախարարությունում ցանկանում են վերացնել «անադյունավետ հարկային արտոնությունները»:
Միևնույն ժամանակ փոխնախարարը ձեռնպահ մնաց հստակ նշել, թե որ ոլորոտներում ԱԱՀ-ից ազատման արտոնություններն չեն աշխատում արդյունավետ, քանի որ այս պահին գնտվում են «գնահատման փուլում»:
«Խոսքը հարկային համակարգի ձևախեղումների հանգերցրած կարգավորումների մասին է: Ունենք հարկման տարբեր համակարգեր՝ միկրոձեռնարկության, շրջանառության և ԱԱՀ-ով հարկելու համակարգեր: Սա բերում է մի վիճակի, որպեսզի խոշոր տնտեսվաորղները մասնատվեն և տեղավորվեն իրենց համար չնախատեսված հարկման արտոնյալ միջավայրում՝ դրանով իսկ անհավասար մրցակցության մեջ մտնելով փոքրերի հետ», - ընդգծեց Արման Պողոսյանը:
Էջի հասցեն: https://verelq.am/hy/node/79888