ԱԺ պաշտպանության եւ անվտանգության հարցերի մշտական հանձնաժողովի կազմում փոփոխություններ են կատարվել։ Այս մասին այսօր՝ հունվարի 15-ին, հայտնել է հանձնաժողովի նախագահ Անդրանիկ Քոչարյանը։
Նրա խոսքով՝ հանձնաժողովի նախկին անդամ, «Իմ քայլը» խմբակցության անդամ Տիգրան Կարապետյանի՝ մանդատը վայր դնելու որոշման հետ կապված խմբակցությունը որոշում է կայացրել, որ իր տեղը կզբաղեցնի պատգամավոր Հայկ Կոնջորյանը:
Հիշեցնենք, որ մանդատը վայր դնելու իր որոշումը Կարապետյանը բացատրել էր իր ընտրողների պահանջով։ Նա Facebook-ի իր էջում նշել էր. «Ինձ մանդատ եք տրամադրել, և Ձեր իսկ պահանջով ես նրանից հրաժարվում եմ։ Շարունակում եմ հավատալ, որ մենք կունենանք ուժեղ ռազմական արդյունաբերություն և իմ կյանքի նպատակը կլինի դրան հասնելը։ Մենք իրավունք չունենք կորցնել հույսը։ Սյունիքը եղել է, կա և միշտ լինելու է Հայաստանի առանցքը»:
Էջի հասցեն: https://verelq.am/hy/node/79646