Այս պահի դրությամբ Մոսկվայում Փաշինյան-Ալիև հանդիպում նախատեսված չէ։ Այս մասին հայտնել է վարչապետ Նիկոլ Փաշինյանի խոսնակ Մանե Գևորգյանը՝ անդրադառնալով լուրերին, թե Հայաստանի և Ադրբեջանի առաջնորդների հանդիպումը Մոսկվայում կկայանա հոկտեմբերի 22-ին:
«ՏԱՍՍ լրատվական գործակալությանը տված հարցազրույցների ժամանակ երկու կողմից էլ հանդիպելու պատրաստակամություն հնչել է, և չի բացառվում, որ նման հանդիպում լինի։ Սակայն, որևէ ստույգ տեղեկություն այս պահին չկա, թե երբ, որտեղ և ինչ ձևաչափով հանդիպումը կկայանա»,- ասել է խոսնակը։
VERELQ-ը հիշեցնում է, որ ՀՀ արտաքին գործերի նախարար Զոհրաբ Մնացականյանը այսօր մեկնել է Մոսկվա, որտեղ նախատեսված է նրա հանդիպումը ՌԴ արտգործնախարար Սերգեյ Լավրովի հետ: Մոսկվա է մեկնել նաև Ադրբեջանի ԱԳ նախարարը:
Էջի հասցեն: https://verelq.am/hy/node/75254