Մակրոնը զանգահարել է Պուտինին՝ քննարկելու իրավիճակը Ղարաբաղում

Ֆրանսիական կողմի նախաձեռնությամբ տեղի է ունեցել հեռախոսազրույց Ռուսաստանի նախագահ Վլադիմիր Պուտինի և Ֆրանսիայի նախագահ Էմանուել Մակրոնի միջև:


Կրեմլի մամուլի ծառայությունից տեղեկացնում են, որ մանրամասն քննարկվել է Լեռնային Ղարաբաղի հակամարտության գոտում իրավիճակի կտրուկ սրումը: Կողմերը լուրջ մտահոգություն են հայտնել շարունակվող լայնամասշտաբ ռազմական գործողությունների կապակցությամբ:


Պուտինն ու Մակրոնը պատերազմող կողմերին կոչ են արել շուտափույթ և ամբողջական հրադադար հաստատել, ապաէսկալացնել լարվածությունն ու առավելագույն զսպվածություն ցուցաբերել:


Կողմերը նաև նշել են, որ ղարաբաղյան ճգնաժամի կարգավորուման քաղաքական և դիվանագիտական ​​մեթոդներն այլընտրանք չունեն: Այս համատեքստում դիտարկվել են հետագա փոխգործակցության հատուկ չափանիշներ, առաջին հերթին՝ ԵԱՀԿ Մինսկի խմբի ձևաչափով:


Նշվում է, որ կողմերը պատրաստակամություն են հայտնել ԵԱՀԿ Մինսկի խմբի (Ռուսաստան, Ֆրանսիա և Միացյալ Նահանգներ) համանախագահող երկրների ղեկավարների անունից հանդես գալ հայտարարությամբ՝ հօգուտ զինված առճակատման շուտափույթ դադարեցման և բանակցային գործընթացի վերսկսման:


Նշումներ:

Էջի հասցեն: https://verelq.am/hy/node/73896