Ռուսաստանում կամավորների խումբը COVID-19-ի դեմ չինական պատվաստանյութ է ստացել

ՌԴ-ում կամավորների առաջին խումբը կորոնավիրուսից չինական պատվաստանյութով է պատվաստվել կլինիկական հետազոտությունների երրորդ փուլի շրջանակներում: Այս մասին "Ինտերֆաքս"-ին հայտնել են"Պետրովաքս" ընկերության մամուլի ծառայությունում։


"Այս ամիս Մոսկվայի կենտրոններում անցկացվել է չինական ad5-nCoV պատվաստանյութի երրորդ փուլի միջազգային կլինիկական հետազոտության մասնակից կամավորների առաջին խումբը, որը մշակվել է CanSino Biologics Inc-ի  ("CanSinoBIO") և Պեկինի կենսատեխնոլոգիաների ինստիտուտ, ռազմաբժշկական գիտությունների ակադեմիա կողմից։


Այս պահին առաջին կամավորներն իրենց լավ են զգում։ Նրանցից ոչ մեկի մոտ որեւէ անցանկալի երեւույթ չի հայտնաբերվել", - նշել են ընկերությունում։


Ընկերությունում հայտնել են, որ կլինիկական կանոնակարգով հետազոտության մասնակիցները պատվաստումից հետո առաջին 28 օրվա ընթացքում գտնվելու են անմիջական հսկողության ներքո եւ պետք է չորս միջանկյալ առկա հետազոտություններ անցնեն բուժական կենտրոններում: "Մասնագետների կանխատեսումների համաձայն՝ այդ ժամկետի ընթացքում պրովակցինացված մասնակիցների մոտ կհայտնվի հումանիտար եւ բջջային իմունային պատասխան COVID-19 - ին", - հայտնել են մամուլի ծառայությունում:


Այնուհետեւ կամավորները կես տարի անց պետք է ստուգողական հետազոտություն անցնեն, նշել են ընկերությունում:


Այնտեղ հավելել են, որ "Պետրովաքս"-ը շարունակում է կամավորներ հավաքել այլ բուժական կենտրոններում: Այս պահին ստացվել է ավելի քան 3000 հայտ: Տեղեկացված համաձայնության ստորագրումից հետո թեկնածուներն անցնում են նախնական սկրինինգի ընթացակարգ՝ հետազոտության չափորոշիչներին համապատասխանելու համար:


"Պետրովաքս" ընկերությունը ՌԴ առողջապահության նախարարությունից թույլտվություն է ստացել Ռուսաստանում Ad5-nCov թեկնածուի չինական պատվաստանյութի III փուլի կլինիկական հետազոտություն անցկացնելու համար: Փորձնական պատվաստում կանցնեն 625 կամավորներ Մոսկվայի, Սանկտ Պետերբուրգի, Յարոսլավլի եւ Եկատերինբուրգի 8 բուժհաստատություններում:


Նշումներ:

Էջի հասցեն: https://verelq.am/hy/node/73067