Ուկրաինայի հայերի միության կենտրոնական գրասենյակում տեղի է ունեցել կլոր սեղան «ընդհանուր պատմական ժառանգության հանրահռչակումը» թեմայով, հայտնում է AnalitikaUA.net-ը:
Գիտական և փորձագիտական հանրության և Ուկրաինայի հայերի միության ներկայացուցիչները քննարկել են հասարակությանը համախմբող պատմական փաստերի լայն լուսաբանմանը, ինչպես նաև պատմամշակութային ժառանգության հուշարձանների պահպանությանը վերաբերող հարցեր:
Ուկրաինայի հայերի միության գործադիր տնօրեն Հովակիմ Հարությունյանը ներկայացրեց երկրի տարբեր շրջաններից հավաքագրած կազմակերպության առաջարկությունները, որոնց իրականացման նպատակներն ու ուղիները դրական արձագանք ստացան բոլոր մասնակիցների կողմից: Անտոն Դրոբովիչը բարձր է գնահատել Ուկրաինայի հայերի միության դերը, որը մեծ ներդրում ունի երկրի հասարակական եւ մշակութային կյանքում: Նա ընդգծել է, որ հայ համայնքի կազմակերպած միջոցառումներն ուղղված են հասարակության համախմբմանը եւ Ուկրաինայի եւ Հայաստանի կապերի զարգացմանը:
Դրոբովիչը նշել է, որ օրերս Հայաստանը նշելու է Անկախության օրը՝ Հայաստանին եւ հայ ժողովրդին մաղթելով խաղաղություն եւ նորանոր ձեռքբերումներ:
Կլոր սեղանի արդյունքներով ընդունվել են մի շարք որոշումներ, որոնք ուղղված են հասարակական կազմակերպությունների եւ գիտական շրջանակների շփումների ինտենսիվացմանըէ հրատապ խնդիրների լուծման համար:
Հիշեցնենք, որ Ուկրաինայի հայերի միությունն ակտիվ աշխատանք է տանում ազգային պատմական արժեքների հանրահռչակման ուղղությամբ: Ինչպես նշել է Ուկրաինայի հայերի միության նախագահ Վիլեն Շատվորյանը, մեզ համար կարևոր է յուրաքանչյուր պատմամշակութային օբյեկտ. "Մենք հպարտանում ենք Ուկրաինայի հայերի հարուստ մշակութային և պատմական ժառանգությամբ և ամեն ինչ կանենք պատմական, ճարտարապետական և մշակութային ժառանգության պահպանման և հանրահռչակման համար":
Նշվում է, որ քննարկմանը մասնակցել են Ուկրաինայի ազգային հիշողության ինստիտուտի ղեկավար Անտոն Դրոբովիչը, կրոնագետ Ռուսլան Խալիկովը, փորձագետներ Օլեգ Սահակյանը, Մարատ Հակոբյանը և Իլիա Կուսան:
Էջի հասցեն: https://verelq.am/hy/node/72932