Հայաստանը գնում է ինտենսիվ դատաիրավական բարեփոխումների ճանապարհով։ Այս մասին այսօր լրագրողների հետ զրույցում ասաց արդարադատության նախարար Ռուստամ Բադասյանը՝ մեկնաբանելով 2008թ.մարտի 1-ի ողբերգական իրադարձությունների զոհերի իրավահաջորդների հայտարարությունը։
Նրա խոսքով՝ կառավարությունը բազմիցս հանդես է եկել պարզաբանումներով եւ քաղաքացիներին տեղեկացրել բարեփոխումների բովանդակության եւ այդ ուղղությամբ իշխանությունների կոնկրետ քայլերի մասին: "Ես սխալ եմ համարում մեկ գործի քննությունը կապել դատաիրավական բարեփոխումների ողջ գործընթացի հետ", - հայտարարել է նա ՝ հրաժարվելով մեկնաբանել Մարտի 1-ի դեպքերի վերաբերյալ գործի ընթացքը: Նա խոստովանել է, որ լիովին ծանոթ չէ վերոնշյալ հայտարարության բովանդակությանը։
"Ավելին, ես արդեն հայտարարել եմ, որ առանձին դեպքերում դատական նիստերի ձգձգման միտումներ եմ տեսնում։ Ես ինքս տեսնում եմ արդարադատությունից խուսափելու փորձերի որոշակի նշաններ։ Դատավորներից որևէ մեկը հրաժարվում է գործ վարել, ինչ-որ մեկը ինքնաբացարկ է հայտնում այն դեպքում, երբ ինքնաբացարկի հիմքեր չկան, ինչ-որ մեկը պետք է ինքնաբացարկ հայտարարի, բայց դա չի անում։ Բնականաբար, այս ամենը խնդիրների հետեւանք է, որոնք կուտակվել են երկար տարիներ", - հայտարարել է նա։
Ավելի վաղ VERELQ-ը հայտնել է, որ «Մարտի 1-ի» տուժողների իրավահաջորդները դադարեցնում են դատական նիստերին մասնակցությունը, քանի որ նրանց կարծիքով դատախազության կողմից բավարար կամք և ջանադրություն չդրսևորելու հետևանքով առանձին դեմքեր հնարավորություն են ստանել խուսափելու քննությունից, կամ նրանց ընծայվել է, այսպես կոչված, հնարավորություն ազատվելու քրեական հետապնդումից:
Էջի հասցեն: https://verelq.am/hy/node/72406