Միքայել Մինասյանը օրերս սկանդալային բացահայտում էր արել՝ հայտարարելով, որ Հայաստանից կարանտինի օրերին մի ամբողջ ինքնաթիռ մաքսանենգ ծխախոտ է արտահանվել իբր Աֆղանստան, բայց նախատեսված է եղել վաճառվել: Ես ուզում եմ արձանագրել, որ ծխախոտի արտահանման հարցում ՊԵԿ-ը ապօրինություն թույլ չի տվել, մեղավորն արտահանողներն են, որոնք պետք է արտահանեին այլ երկրի, բայց որոշել էին ուրիշ երկրում վաճառել։ Այս մասին ասուլիսում հայտարարեց վարչապետ Նիկոլ Փաշինյանը՝ մեկնաբանելով Սուրբ Աթոռում ՀՀ նախկին դեսպանի աղմկահարույց հայտարարությունը:
«Իրավապահները պետք է պարզեն»,- ասաց նա։
Փաշինյանը նշեց, որ տեղյակ է, որ Մինասյանը հայտարարել է, որ այդ մաքսանենգ սխեման ղեկավարել են իր ընտանիքի անդամները, մասնավորապես իր աներրդին՝ պատգամավոր Հրաչյա Հակոբյանը: Սակայն չցանկացավ անդրադառնալ այդ հարցին.
«Կնոջս եղբորը վերաբերվող դրվագից տեղյակ եմ: Հրաչյան դատական հայց է ներկայացրել և այդ հարցին ոչ թե ես կպատասխանեմ, այլ բոլորս հրապարային կտեսնենք՝ ինչն է ճիշտ, թե ինչն է սխալ»,- հավելեց Փաշինյանը:
VERELQ-ը հիշեցնում է, որ ապրիլի 25-ին ՌԴ ԱԴԾ աշխատակիցները, մաքսային ծառայության հետ միասին, Կրասնոդարի օդանավակայանում կալանավորել են մաքսանենգ ծխախոտի 40 տոննա ընդհանուր քաշով խմբաքանակ: Ընդհանուր առմամբ հայտնաբերվել է 2700 տուփ տարբեր ապրանքանիշների ծխախոտ՝ հայկական ակցիզով:
Էջի հասցեն: https://verelq.am/hy/node/66120