ՀՀ առողջապահության նախարարությունից տեղեկացնում են, որ վերջին մեկ օրվա ընթացքում հանրապետությունում կորոնավիրուսից մահվան երեք դեպք է արձանագրվել:

Պացիենտները եղել են 71 (տղամարդ), 60 (տղամարդ), 46 (կին) տարեկան և ունեցել են ուղեկցող խրոնիկական հիվանդություններ:

Արձանագրվել է նաև մահվան 22 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով։

Նշենք, որ մայիսի 16-ից դրությամբ ունենք կորոնավիրուսային հիվանդությամբ հաստատված 239 նոր դեպք և 125 առողջացած։