ԱԺ պատգամավորները կցկտուր մեկնաբանում են «Լուսավոր Հայաստան» խմբակցության ղեկավար Էդմոն Մարուքյանի ու «Իմ քայլը» խմբակցության պատգամավոր Սասուն Միքայելյանի միջև այսօր Ազգային ժողովում տեղի ունեցած ծեծկռտուքը:
«Խնդրում եմ ինքներդ նայեք՝ ինչից այդ ամենն սկսվեց։ Տեսեք, թե ով անցավ անձնական վիրավորանքների, ով սադրեց այս միջադեպը», - ԱԺ-ում լրագրողների հարցերին ի պատասխան՝ ասաց «Իմ քայլը» խմբակցության պատգամավոր Բաբկեն Թունյանը։ Նա միջադեպի համար ներողություն խնդրեց մանրակիցներից:
ԱԺ-ում թեժ իրավիճակը սկսվել էր «Լուսավոր Հայաստան» խմբակցության պատգամավոր Էդմոն Մարուքյանի՝ «Իմ քայլը» խմբակցության պատգամավոր Բաբկեն Թունյանի հասցեին հնչեցված խոսքերից: Դրանց շատ բուռն արձագանքեց Սասուն Միքայելյանը, որը վերաճեց ծեծկռտուքի:
«Իմ քայլը» խմբակցության պատգամավոր Մխիթար Հայրապետյանն էլ ասաց, որ խմբակցության ղեկավարը ծեծկռտուքի վերաբերյալ քիչ հետո հանդես կգա հայտարարությամբ։ Նա նաեւ հավելեց, որ եթե անհրաժեշտություն լինի, գուցե եւ ԱԺ ամբիոնից՝ եւս։
Ծեխկռտուքից հետո վարչապետ Նիկոլ Փաշինյանը զանգահարել է «Լուսավոր Հայաստան» խորհրդարանական խմբակցության նախագահ Էդմոնդ Մարուքյանին, ասել է «Լուսավոր Հայաստան» խմբակցության պատգամավոր Աննա Կոստանյանը:
Զրույցը տեղի է ունեցել 40 րոպե առաջ: Թե ինչի մասին են խոսել վարչապետը եւ խորհրդարանական խմբակցության ղեկավարը, հայտնի չէ:
ԱԺ նիստն ընդահտվել է: Ազգային ժողովի նախագահի մոտ քննարկում է ընթանում, որին մասնակցում է նաև վարչապետ Նինկոլ Փաշինյանը: Վարչապետն ծեծկռտուքի ժամանակ ԱԺ նիստերի դահլիճում էր, որտեղ քննարկվում էր կառավարության ծրագրի 2019 թվականի կատարողականը:
Հայտնի է նաև, որ այս պահին Ազգային ժողովի «Լուսավոր Հայաստան» խմբակցությունը նիստ է անցկացնում:
Էջի հասցեն: https://verelq.am/hy/node/65641