Հռոմի պապից ավելի կաթոլիկ, ավելի հանրապետական, քան ՀՀԿ-ն է: Այդպես է բնորոշել Հայ հեղափոխական "Դաշնակցություն" կուսակցությանն ընդդիմադիր ՀԱԿ խմբակցության քարտողար Արամ Մանուկյանը:
Նա մեծ բլեֆ է համարում իշխող կուսակցության և ՀՅԴ-ի միջև կոալիցիան և չի ակնկալում այդ կոալիցիայից ոչ մի ճեղքում ՀՀ-ի քաղաքական կամ տնտեսական կյանքում: «Դաշնակցականներն արդեն մեկ անգամ եղել են իշխող կոալիցիայի մեջ: Փոխաբերաբերական իմաստով, եթե այդ ամուսնությունից սերունդ չեն տվել, ապա այժմ էլ սերունդ չեն թողնի»,-նշել է Մանուկյանը ԱԺ-ում ճեպազրույցի ընթացքում:
Մանկույանի խոսքով, ՀՀԿ-ՀՅԴ համագործակցության մեջ որևէ լուրջ բան չկա: Ըստ նրա, այդ քաղաքական ուժերն արժեզրկում են երկրի քաղաքական դաշտը: Մանուկյանը կարծիք հայտնեց, որ ժողովուրդն ավելի մեծ հիասթափություն է ապրելու:
Կոալիցիային մեծ էնտուզիազմով է վերաբերվում ՀՀԿ խմբակցության ղեկավար Վահրամ Բաղդասարյանը: Նրա խոսքով, դա երկարաժամկետ քաղաքական համագործակցություն է և դրա պտուղներն իրենց երկար սպասել չեն տա: Անդրադառնալով արդեն նախկին նախարարներ Կարեն Ճշմարիտյանի և Արմեն Աշոտյանի ապագային, Բաղդասարյանը նշեց, որ նրանք կգտեն իրենց գիտելիքները կիրառելու վայր:
Էջի հասցեն: https://verelq.am/hy/node/6369