Հայ տպագիր մամուլի նահապետներից մեկը՝ Ստամբուլում 1940 թ.-ից լույս տեսնող «Մարմարա» («Նոր Մարմարա») օրաթերթը կորոնավիրուսի հարուցած խնդիրների պատճառով փակվում է:

Այդ մասին հայտնում է «arevelk.am»-ը՝ հղում անելով Ստամբուլի իր աղբյուրներին: Թերթի արտոնատերերը հայտարարել են, որ «Մարմարա»-ն այժմ լույս կտեսնի առցանց՝ www.normarmara.com հասցեով: Հայտնի չէ, թե ճգնաժամային իրավիճակից հետո օրաթերթը կվերադառնա՞ իր տպագիր կարգավիճակին, թե՝ ոչ:

«Մարմարա»-ի խմբագիրը հայ գրող, հրապարակախոս Ռոպեր Հատեճյանն է, արտոնատերը՝ նրա ընտանիքը:

Նշենք, որ կորոնավիրուսը խնդիրներ է առաջացրել նաև այլ հայկական թերթերի համար. Լոս Անջելեսի «Ասբարեզ» օրաթերթն այսուհետ լույս է տեսնելու ոչ թե ամեն օր, այլ շաբաթական երկու անգամ: