Նիկոլ Փաշինյանը ներողություն է խնդրել Կուրթան համայնքի բնակչի հետ կոպիտ խոսելու համար

Վարչապետ Նիկոլ Փաշինյանը ներողություն է խնդրել Կուրթան համայնքի բնակիչ Մեխակ Առաքելյանից, որն իրեն դիմել էր օգնության խնդրանքով և ստացել կոպիտ տոնով պատասխան:


Վարչապետը Սիսիանում այսօր սահմանադրական հանրաքվեի «Այո»-ի քարոզարշավի ժամանակ ելույթ ունենալով, ասել է, որ ներողություն է խնդրում «մարդու առողջական վիճակը գերագնահատելու իր կարողության» և «քաղաքացու կաշկանդվածությունը» թերագնահատելու համար։


«Սխալական ենք, կարող ենք սխալվել, բայց նենգ ու անազնիվ բան քաղաքացու նկատմամբ չենք անի»,- Սիսիանում սահմանադրական փոփոխությունների «Այո»-ի քարոզչության ժամանակ հայտարարեց Փաշինյանն ու հույս է հայտնեց, որ աջակցությունը, որ կստանա Մեխակ Առաքելյանի ընտանիքը, կլինի զարգացման աջակցություն։


Մարտի 7-ին Նիկոլ Փաշինյանն այցելել էր Լոռու Կուրթան գյուղ, իրեն օգնության խնդրանքով դիմած քաղաքացուն կոպիտ տոնով հորդորել գնալ, աշխատել։ Ավելի ուշ հայտնի էր դարձել, որ Կուրթանի բնակիչ Մեխակ Առաքելյանը նախկինում աշխատել է, սակայն լուրջ առողջական խնդիրներ է ձեռք բերել բնակարանային պայմանների պատճառով։


 


Նշումներ:

Էջի հասցեն: https://verelq.am/hy/node/62076