Անհրաժեշտության դեպքում ՀԱՊԿ-ն իր դիրքորոշումը կհայտնի ղարաբաղյան հակամարտության վերաբերյալ: Այս մասին Երևանում լրագրողների հետ ճեպազրույցում հայտարարեց ՀԱՊԿ գլխավոր քարտուղար Ստանիսլավ Զասը:
Նրա խսքով, ղարաբաղյան հակամարտությունը մշտապես գտնվում է Կազմակերպության ուշադրության կենտրոնում: Ավելին՝ պետությունների ղեկավարների յուրաքանչյուր գագաթնաժողովին այս հարցը քննարկվում է և բոլորը բավականին տեղեկացված են.
«Անհրաժեշտության դեպքում, ՀԱՊԿ-ն իր դիրքորոշումը կհայտնի այս հակամարտության վերաբերյալ, ինչպես դա բազմիցս արվել է: Դիրքորոշման էությունը պարզ է. ՀԱՊԿ-ը հանդես է գալիս հակամարտության խաղաղ լուծման օգտին և տեսնում է խնդիրը լուծելու միայն մեկ՝ քաղաքական ճանապարհ: Այն է` ԵԱՀԿ Մինսկի խմբի համանախագահության շրջանակներում և դրա կողմից իրականացված աշխատանքների շրջանակներում` ապավինելով միջազգային իրավունքի նորմերին և սկզբունքներին, ՄԱԿ-ի կանոնադրությանը, Հելսինկյան եզրափակիչ ակտին»,- շեշտեց նա:
Ինչ վերաբերում է հայ-ադրբեջանական սահմանիներբեմն տեղի ունեցող միջադեպերին, Ստանիսլավ Զասը նշեց, որ եթե Հայաստանը օգնության դիմի ՀԱՊԿ-ին, ապա այն, ընդհանուր առմամբ, կարտահայտի իր դիրքորոշումը և կտրամադրի անհրաժեշտ օգնությունը: Բայց մինչ օրս, հավելեց նա, ՀՀ կառավարությունն ինքնուրույն է զբաղվում սահմանային այդ միջադեպերով՝ հույս հայտնելով, որ իրավիճակը կկայունանա և բախումներից հնարավոր կլինի խուսափել:
Էջի հասցեն: https://verelq.am/hy/node/61350