ՔՊ-ի դրամահավաք-երեկոյին հավաքվել է 205,5 մլն դրամ

«Դվին» հյուրանոցային համալիրում ավարտվեց «Քաղաքացիական պայմանագիր» կուսակցության դրամահավաք-երեկոն: Մի քանի ժամում հանգանակվեց 205 մլն 560 հազար դրամ:


Այս մասին հայտարարեց ՏԿԵ նախարար, «ԱՅՈ» նախընտրական շտաբի պետ Սուրեն Պապիկյանն ու նշեց, որ օնլայն հարթակում դրամահավաքը դեռ շարունակվում է: «Քաղաքացիական պայմանագիր» կուսակցության 9-րդ դրամահավաք-երեկոն արձանագրում է հետևյալ թիվը՝ 205 մլն 560 հազար դրամ:


Օնլայն հարթակում դրամահավաքը շարունակվում է: Կան նաև փոխանցումներ արտարժույթի տեսքով, որոնց արտացոլումն առայժմ մեզ համար պարզ չէ, այսինքն՝ կարող է լինել այս թվի որոշակի փոփոխություն»,- հայտարարեց Սուրեն Պապիկյանը:


Նշենք, որ դրամահավաքի ժամանակ հանգանակված գումարից որոշակի միջոցներ կուղղվեն «ԱՅՈ» նախընտրական շտաբի քարոզարշավի կազմակերպմանը:


Նշումներ:

Էջի հասցեն: https://verelq.am/hy/node/61132