Polimetre հետազոտական գործակալության հարցման համաձայն, եթե Թուրքիայում մոտակա ժամանակներս տեղի ունենան խորհրդարանական ընտրություններ, ապա ընդդիմադիր կուսակցությունները շատ ավելի մեծ թվով ձայներ կհավաքեն, քան իշխող Արդարություն և զարգացում կուսակցությունն ու նրա դաշնակից Ազգայնական շարժում կուսակցությունը:

ԱԶԿ-ի աջակցությունը նվազել է 12.56 տոկոսով, իսկ Ազգայնական շարժում կուսակցության էլեկտորալ աջակցությունը 2018թ.-ի համեմատ նվազել է 2.3 տոկոսով:

Հարցումը ցույց է տվել, որ հիմնական ընդդիմադիր Ժողովրդա-հանրապետական կուսակցությունը կհավաքեր 25.3 տոկոս ձայներ, Լավ կուսակցությունը՝11.3 տոկոս, իսկ քրդամետ Ժողովուրդների դեմոկրատական կուսակցությունը՝12.8 տոկոս:

Նախկին վարչապետ Ահմեդ Դավութօղլուի վերջերս ստեղծված Ապագայի կուսակցությունը կհավաքեր 10 տոկոս: