Իրանի առողջապահության նախարարությունը տեղեկացրել է կորոնավիրուսից մահվան ևս երկու դեպքի մասին:
Գերատեսչությունը նաև նշել է վարակման ևս 13 դեպքի մասին: Հարևան երկրում գրանցված դեպքերի ընդհանուր թիվը հասել է 18-ի:
VERELQ-ը հիշեցնում է, որ Իրանի կառավարությունը փետրվարի 19-ին հաստատեց, որ երկու քաղաքացու մոտ կորոնավիրուս է հայտնաբերվել: Ավելի ուշ հայտնի դարձավ, որ երկուսն էլ մահացել են հիվանդանոցում:
ՀՀ առողջապահության նախարար Արսեն Թորոսյանն այսօր տեղեկացրել է, որ հետևում են նոր կորոնավիրուսի բռնկումների դեպքերին և տարածվածությանն ամբողջ աշխարհում, այդ թվում մեր հարևան Իրանում: Տեղյակ ենք նաև Իրանից դեպի մեր երկիր ուղևորահոսքի առանձնահատկություններին` ներառյալ մոտ ժամանակներս սպասվող Նովրուզը:
Նա նշեց, որ որպես հավելյալ հակահամաճարակային միջոցառումներ` ուժեղացվել են Մեղրիի սահմանային անցակետով անցնող, ինչպես նաև Իրանից Հայաստան օդանավով ժամանող ուղևորների հսկողությունը: Կասկածելի բոլոր դեպքերում կատարվում է նաև հսկողություն Հայաստանի ամբողջ տարածքում:
Էջի հասցեն: https://verelq.am/hy/node/60855