Հայաստանը աշխարհի երրորդ ամենառազմականացված երկիրն է

Հայաստանը աշխարհի երրորդ ամենառազմականացված երկիրն է․ այս մասին են վկայում Բոննի Կոնվերսիայի միջազգային կենտրոնի՝ աշխարհի ռազմականացված երկրների վերաբերյալ 2019թ․ համաթվի տվյալները։


Տասնյակը բացում է Իսրայելը, նրան հետևում են Սինգապուրը, Հայաստանը, Կիպրոսը, Հարավային Կորեան, Ռուսաստանը, Հունաստանը, Հորդանանը, Բելառուսն ու Ադրբեջանը։



Զեկույցի հեղինակները նշում են, որ ղարաբաղյան չկարգավորված հակամարտության պատճառով Հարավային Կովկասում ռազմականացվածության աստիճանը շարունակում է շատ բարձր մնալ։


Հայաստանի մյուս հարևաններից Վրաստանը 49-րդ տեղում է, Թուրքիան՝ 19-րդ տեղում, Իրանը՝ 24-րդ տեղում։


Նախորդ՝ 2018թ․ տվյալներով կազմված զեկույցում Հայաստանը դարձյալ երրորդն էր։ Առաջին տասնյակն ուներ գրեթե նույն պատկերը՝ այն տարբերությամբ, որ Ադրբեջանի փոխարեն ներառված էր Բրունեյը։


Ամեն տարի Բոննի Կոնվերսիայի միջազգային կենտրոնը հրապարակում է աշխարհի ռազմականացվածության համաթիվը՝ համեմատելով երկրի ռազմական ապարատի կշիռն ու կարևորությունը հանրային կյանքի մյուս ոլորտների հետ։


 


Նշումներ:

Էջի հասցեն: https://verelq.am/hy/node/60755