ՆԱՏՕ-ն չի պաշտպանի Թուրքիային՝ Սիրիայի հյուսիսում հակամարտության ժամանակ: Այդ մասին փետրվարի 17-ին հայտարարել է քաղաքագետ Անդրեյ Կոշկինը:
Նա նշել է, որ ՆԱՏՕ-ի ղեկավարությունը բավականին լարված հարաբերություններ ունի Թուրքիայի հետ:
Ըստ նրա, Էրդողանի արտաքին քաղաքական ուղենիշն ուղղված է Օսմանյան կայսրության վերականգնմանը՝հատկապես Միջերկրական ծովում:
Նա հավելել է, որ Դաշինքը ցանկանում է Թուրքիային իր տեղը ցույց տալ՝այդ թվում չմիջամտելով Սիրիայում հակամարտությանը:
ՆԱՏՕ-ն մտադիր չէ ռազմական աջակցություն ցուցաբերել Անկարային Սիրիայի հյուսիսում Թուրքիայի գործողության դեպքում: Այդ մասին հայտնել է Բրյուսելում Դաշինքի երկրներից մեկի առաքելության դիվանագիտական աղբյուրը:
«ՆԱՏՕ-ի երկրները չեն պաշտպանի Հինգերորդ հոդվածի ակտիվացումը փետրվարի սկզբին Իդլիբում թուրք զինվորականների զոհվելու պատճառով: ՆԱՏՕ-ն չի քննարկում Թուրքիային ռազմական օգնություն տրամադրելու հնարավորությունը այդ տարածաշրջանում գործողություն սկսելու դեպքում»,-նշել է նա:
Էջի հասցեն: https://verelq.am/hy/node/60552