Ուկրաինական ճգնաժամի լուծումը կարող է ճանապարհ բացել ԵԱՀԿ երկրների տարածքում առկա ձգձգվող հակամարտությունների լուծման համար, ներառյալ ղարաբաղյան հակամարտությունը: Այս մասին հայտարարել է Ուկրաինայի արտաքին գործերի նախարար Վադիմ Պրիստայկոն:
«Առաջիկա օրերին Փարիզում, նորմանդյան գագաթնաժողովի շրջանակներում, մենք կփորձենք հասնել Եվրոպայում խոշորագույն հակամարտության լուծմանը: Հուսով ենք, որ այս ուղղությամբ առաջընթացը կարող է ճանապարհ բացել՝ ձգձգվող հակամարտությունների խաղաղ կարգավորման համար ոչ միայն Ուկրաինայում, այլև Վրաստանում, Մոլդովայում և Ադրբեջանում՝ միջազգայնորեն ճանաչված սահմանների շրջանակներում ինքնիշխանության և տարածքային ամբողջականության նկատմամբ լիակատար հարգանքի պայմաններում», - հայտարարել է Պրիստայկոն:
Էջի հասցեն: https://verelq.am/hy/node/56914