Հարաբերությունների նորմալացման համար Հայաստանը պետք է կատարի Անկարայի երեք հիմնական պահանջները: Այս մասին հայտարարել է Ադրբեջանում Թուրքիայի դեսպանատան մամուլի քարտուղար Հուսեյն Ալթընալանը:
Նրա խոսքով, Թուրքիայի հետ հարաբերությունները կարգավորելու համար Հայաստանն առաջին հերթին պետք է «օկուպացիայից ազատի Լեռնային Ղարաբաղը և նրան հարակից 7 շրջանները: Երևանը պետք է հրաժարվի Թուրքիայի տարածքների հանդեպ, ինչպես նաև 1915 թվականի իրադարձությունների հետ կապված հավակնություններից»:
Հուսեյն Ալթընալանը նշել է, որ հայերը չպետք է քաղաքականացնեն պատմական իրադարձությունները:
«Քանի դեռ Հայաստանը չի ազատել Լեռնային Ղարաբաղը և նրան հարակից շրջանները, չի հրաժարվել Թուրքիայի հանդեպ հավակնություններից, այդ երկրի հետ հարաբերություններ հաստատելն անհնար է», - ասել է դիվանագետը:
Էջի հասցեն: https://verelq.am/hy/node/56859