Ղարաբաղյան հակամարտության խաղաղ կարգավորումը Եվրամիության համար առաջնային է մնում։ ԵՄ-ն նորից հաստատում է, որ Ղարաբաղյան հակամարտության հարցում ստատուս քվոն անընդունելի է։ Այս մասին ասված է Հայաստան-ԵՄ համագործակցության խորհրդի 16-րդ նիստի արդյունքում հրապարակված մամուլի հաղորդագրության մեջ։
ԵՄ-ն կոչ է անում շարունակել երկխոսությունը Հայաստանի եւ Ադրբեջանի միջեւ, այդ թվում՝ նախագահների մակարդակով, ինչի կապակցությամբ ողջունում է անցյալ տարվա դեկտեմբերին նախագահների հանդիպումը Շվեյցարիայում կազմակերպելու համանախագահների նախաձեռնությունը։ Հանդիպումը կարծիքներ փոխանակելու եւ առաջ շարժվելու հնարավորություն էր։
ԵՄ-ն հաստատում է խաղաղ գործունեությանը աջակցելու իր դիրքորոշումը եւ խաղաղ համաձայնության գալու դեպքում հաստատում է իր պատրաստակամությունը՝ հակամարտությունից տուժած շրջանների վերակառուցման ու վերականգնման աջակցության հարցում։
Էջի հասցեն: https://verelq.am/hy/node/5623