Ադրբեջանը դարձել է միջազգային տրանսպորտային կենտրոններից մեկը, շահագործման է հանձնվել Բաքու-Թբիլիսի-Կարս երկաթգիծը: Այդ մասին ասել է Ադրբեջանի նախագահ Իլհամ Ալիևը։

«Գործում է Հյուսիս-Հարավ տրանսպորտային միջանցքը, կտրուկ աճել են բեռնափոխադրումները, միևնույն ժամանակ երկրի ներսում նորացվում է ենթակառուցվածքը, ձեռք են բերվել Շվեցարիայի արտադրության նոր «Շտադլեր» վագոններ։ Համարում եմ, որ այդ վագոնները՝ աշխարհում ամենագեղեցիկն ու ամենաանվտանգն են»,- նշել է Ալիևը։