ՀՀ քաղաքացիների սպասելիքները հեղափոխական են, սակայն 2020 թվականի պետական բյուջեի նախագիծը՝ իրատեսական, ինչը վկայում է այն մասին, որ որեւէ արմատական դրական փոփոխություն սպասել չարժե։ Այս մասին ԱԺ-ում հաջորդ տարվա ամենագլխավոր ֆինանսական փաստաթղթի քննարկման ժամանակ հայտարարեց ԲՀԿ խմբակցության պատգամավոր Միքայել Մելքումյանը:
Նրա խոսքով, նոր իշխանությունը 1,5-2,5 տարի ունի, որպեսզի արդարացնի բնակչության դրական ակնկալիքները, բայց 2020 թվականի բյուջեի նախագիծը չի արդարացնում հայ ժողովրդի սպասելիքները։
«Ընթացիկ տարվա հունվար-հունիսին ներդրումների ներհոսքը տնտեսության իրական հատված՝ արդյունաբերություն, շինարարություն, գյուղատնտեսություն, կազմել են ընդամենը 310 մլն դոլար, բայց այդ ընթացքում տեղի է ունեցել կապիտալի արտահոսք 295 մլն դոլարի չափով։ Այսինքն՝ ներդրումների իրական ներհոսքը կազմել է 15 մլն դոլար»,- ասաց նա:
Մելքումյանը կոչ արեց կառավարությանը պարզել, թե ինչու են մարդիկ իրենց կապիտալը դուրս բերում Հայաստանից։
Էջի հասցեն: https://verelq.am/hy/node/55940