Տարածաշրջանում առկա չկարգավորված հակամարտությունները, այդ թվում՝ հայ-ադրբեջանական հակամարտությունը, խոչընդոտում են բազմակողմանի համագործակցությանը:
Այս մասին հայտարարել է Ադրբեջանի արտաքին գործերի նախարար Էլմար Մամեդյարովը Տնտեսական համագործակցության կազմակերպության Նախարարների խորհրդի 24-րդ նիստում ունեցած ելույթում:
«Իհարկե, մենք բոլորս պետք է խոստովանենք, որ ՏՀԿ տարածաշրջանում առկա չկարգավորված հակամարտությունները, այդ թվում՝ հայ-ադրբեջանական հակամարտությունը, ինչպես դա արտացոլված է Անթալիայի Կոմյունիկեում, խոչընդոտում են բազմակողմանի համագործակցությանը: Անհրաժեշտ է փոխել ներկա իրականությունը, տեղում լուծել բոլոր խնդիրները, որպեսզի ավելի մեծ հնարավորություններ ստեղծել մեր երկրների միջև համագործակցության համար:
Կոմյունիկեում արտացոլված կարևոր կետերից մեկն էլ ենթադրում է տարածաշրջանում առկա լարվածության օջախների վերացում: Ցավոք, առկա հակամարտությունները նաև սահմանափակում են տարածաշրջանի տնտեսական հնարավորությունները: Օրինակ, եթե Հայաստանը չօկուպացներ մեր հողերը, ապա այսօր Նախիջևանի վրայով երկաթուղային հաղորդակցություն կունենար Իրանի հետ», - ասել է Էլմար Մամեդյարովը:
Էջի հասցեն: https://verelq.am/hy/node/55689