ՀՀ ԶՈՒ պատվիրակությունը մասնակցել է Եվրոպական բանակների ամենամյա համաժողովին

Հոկտեմբերի 24-ից 25-ը ՀՀ զինված ուժերի մարտական պատրաստության վարչության պետ - ԶՈւ ԳՇ պետի տեղակալ, գեներալ-մայոր Անդրանիկ Մակարյանի գլխավորած պատվիրակությունը Գերմանիայի Վիսբադեն քաղաքում մասնակցել է Եվրոպական բանակների ամենամյա համաժողովին:


Եվրոպայում ԱՄՆ ցամաքային զորքերի հրամանատարության հովանու ներքո անցկացված միջոցառման նպատակն էր անվտանգության և կայունության արդի մարտահրավերների, դրանց դիմագրավմանը միտված մոտեցումների և անհրաժեշտ փոխգործունակության շուրջ մտքերի փոխանակումը:


Համաժողովի լիագումար նիստերից հետո գեներալ-մայոր Մակարյանը աշխատանքային հանդիպում է ունեցել Եվրոպայում ԱՄՆ ցամաքային զորքերի հրամանատար, գեներալ-լեյտենանտ Քրիստոֆեր Կավոլիի հետ: Քննարկվել են պաշտպանության ոլորտում հայ-ամերիկյան համագործակցությանը և տարածաշրջանային անվտանգությանն առնչվող հարցեր:


Նշումներ:

Էջի հասցեն: https://verelq.am/hy/node/55027