Այսօր Երևանի Դեմիրճյան փողոցում՝ Ազգային ժողովի շենքի հարևանութամբ, վնասել են «Իմ քայլը» պատգամավոր Քրիստինե Պողոսյանի Mini cooper մակնիշի 018 HH 11 համարանիշի ավտոմեքենան:
Ինչպես հայտնում է Shamshyan.com-ը, պատգամավորը մեքենան կայանել է Դեմիրճյան փողոցում՝ Ազգային ժողովի շենքի հարեւանութամբ, թույլատրելի հատվածում եւ որոշ ժամանակ անց դուրս գալով ԱԺ-ից, իր ավտոմեքենան հայտնաբերել է վնասված:
Չարագործները վնասել են պատգամավորի ավտոմեքենայի ապակիները ու հեռացել:
Աղբյուրը հիշեցնում է, որ սա առաջին դեպքը չէ. այս տարվա հունվարի 21-ին, ժամը 19:30-ի սահմաններում Հյուսիսային պողոտայում՝ Տերյան 25 հասցեի բակում, անհայտ անձը կամ անձինք կոտրել էին պատգամավոր Քրիստինե Պողոսյանի Mini cooper մակնիշի ավտոմեքենայի ապակին եւ վնասել ավտոմեքենան:
Էջի հասցեն: https://verelq.am/hy/node/54748