Աշխարհահռչակ ամերիկահայ երգչուհի Շերը (Շերլին Սարգսյանը) Twitter-ի իր միկրոբլոգում գրառում է կատարել՝ նվիրված Սիրիայում Թուրքիայի ռազմական գործողություններին:
«Ցավում եմ քուրդերի համար: 11 տարեկանից գիտեմ արյան ծարավ թուրքերի մասին, ովքեր գրեթե 2 մլն հայի խոշտանգել ու սպանել են: Այդ մասին գիտեն նաև Հայաստանում:
Թուրքիայի զինվորները դեռ արյան ծարավ են: Այժմ նրանք ցեղասպանություն կգործեն քրդերի նկատմամբ, Թրամփի օրհնությամբ»,- մասնավորապես գրել է նա:
Հիշեցնենք, Թուրքիան հոկտեմբերի 10-ից ռազմական գործողություններ է սկսել Սիրիայի հյուսիսում, որտեղ առկա է նաեւ հայ բնակչություն: Նրանց մի մասն արդեն հեռացել է ռազմական գործողությունների գոտուց: Հայաստանը դատապարտել է Թուրքիայի ռազմական ներխուժումը Սիրիա՝ նշելով, որ այն կարող է հանգեցնել նոր հումանիտար ճգնաժամի: Միջազգային մամուլն արդեն հայտնում է տասնյակ զոհերի ու հարյուրավոր վիրավորների մասին:
Էջի հասցեն: https://verelq.am/hy/node/54214