Հայաստանը ՌԴ-ում հայկական վարորդական իրավունքների խնդրի արագ լուծման հույս ունի: Այս մասին ԱԺ-ում, պատասխանելով պատգամավորի հարցին ասաց ԱԳ փոխնախարար Շավարշ Քոչարյանը:
Նրա խոսքով՝ նախօրեին Մոսկվայում տեղի է ունեցել ԵԱՏՄ Խորհրդի նիստը, որտեղ այս հարցը ևս քննարկվել է: Հարցը քննարկվում է երկու ուղղությամբ՝ բազմակողմանի եւ երկկողմանի:
«Բազմակողմանի այն պատճառով, որ ԵԱՏՄ-ի մասին Պայմանագիրը նման սահմանափակում չի նախատեսում: Հարցը երկկողմանի մակարդակում է քննարկվում այն պատճառով, որ սահմանափակումը մտցվել է ռուսական օրենսդրության շրջանակում: Եվ այս ուղղությամբ աշխատանքը շարունակվում է և մենք հույս ունենք, որ կկարողանանք հասնել արդյունքի»,- ասաց փոխնախարարը:
Հիշեցնենք, ռուսական օրենսդրության համաձայն՝ Հայաստանի վարորդականները Ռուսաստանի տարածքում չեն ճանաչվում, եթե ավտոմեքենան օգտագործվում է վարձատրվող աշխատանքի համար: Միաժամանակ, Ռուսաստանում ճանաչվում են ԵԱՏՄ անդամ բոլոր երկրների վարորդական իրավունքները, բացի Հայաստանից, ինչը եւ հարուցել է Երեւանի դժգոհությունը:
Էջի հասցեն: https://verelq.am/hy/node/52563