Սիրիայի կառավարական բանակը Խան Շեյխուն քաղաքը ազատագրելուց հետո վերահսկողություն է հաստատել նաև Իդլիբ նահանգի մի շարք այլ տարածքներում:
2012 թվականից ի վեր այդ բնակավայրերը գտնվում էին ահաբեկչական խմբավորումների կամ զինված ընդդիմության վերահսկողության տակ:
Սիրիական պաշտոնական հաղորդագրություններից, սակայն, առայժմ հստակ չէ՝ արդյո՞ք զինված ընդդիմությունը ամբողջովին լքել է այդ տարածքները, հայտնի չէ նաև այդ տարածքներում տեղակայված Թուրքիայի զինված ուժերի դիտորդական ներկայության ճակատագիրը: Թուրքական հրամանատարությունը տարհանման մասին չի հաղորդել:
Պաշտոնական Դամասկոսն ու դաշնակից Ռուսաստանը Իդլիբի վրա հարձակման անհրաժեշտությունը բացատրել են «ահաբեկչական սպառնալիքով»՝ նշելով, որ նահանգի տարածքի մեծ մասը վերահսկում էր «Հայաթ Թահրիր աշ-Շամ» խմբավորումը, որը Մոսկվան ահաբեկչական է համարում:
Էջի հասցեն: https://verelq.am/hy/node/51695