ՀՀ կառավարությունը 560 մլն դրամ հատկացրեց երկրաշարժից տուժած 61 ընտանիքի բնակարանային խնդիրների լուծմանը:
Մասնավորապես, «երկրաշարժի հետևանքով անօթևան մնացած ընտանիքների բնակարանային ապահովում» միջոցառման շրջանակներում 560 մլն դրամը կհատկացվի Շիրակի, Լոռու և Արագածոտնի մարզպետարաններին:
Ընդհանուր առմամբ, Շիրակի, Լոռու և Արագածոտնի մարզերի բնակավայրերում շահառու ճանաչված 5396 ընտանիքից (ներառում է նաև 2018 թվականին բնակարանային պայմանների բարելավման իրավունքը վերականգնած ընտանիքների թիվը) 2008-2017 թվականներին՝ մոտ 65 մլրդ. դրամ միջոցների հաշվին, լուծվել է 4839 ընտանիքի բնակարանային խնդիր:
Ներկայումս դեռևս 557 ընտանիք ունի բնակարանային խնդիր, որը նախատեսված է լուծել մինչև 2020 թվականի տարեվերջ: Ընթացքում է ՀՀ Լոռու մարզի գյուղական բնակավայրերի 44 ընտանիքի բնակարանային խնդրի լուծումը:
Ըստ հիմնավորման, մնացած ընտանիքների բնակարանային խնդիրների լուծման համար անհրաժեշտ 3 մլրդ դրամը նախատեսված է ՀՀ 2020 թվականի բյուջեի նախագծում և 2020-2022թթ. պետական միջնաժամկետ ծախսերի ծրագրում:
Էջի հասցեն: https://verelq.am/hy/node/51063