Կասպից ծովում գտնվել է ադրբեջանական վթարված ՄիԳ-29 կործանիչը

Ադրբեջանական լրատվամիջոցները հայտնում են, որ Կասպից ծովում՝ ադրբեջանական Գիլյազի և Շուրաաբադ բնակավայրերի միջև ընկած հատվածում գտնվել է ադրբեջանական ՄիԳ-29 կործանիչը: Վերջինս ուսումնամարզական թռիչք իրականացնելու ընթացքում վթարվել էր և ընկել Կասպից ծովը:


Նշվում է, որ վաղը այն դուրս կբերվի ցամաք: Կործանիչի օդաչուն է եղել փոխգնդապետ Ռեշադ Աթաքիշիևը:


Հիշեցնենք, Ադրբեջանի ռազմաօդային ուժերի ՄիԳ-29 ինքնաթիռը հուլիսի 24-ին տեղական ժամանակով մոտավորապես 22:00-ին ուսումնամարզական թռիչք իրականացնելու ընթացքում հանկարծ անհետացել էր ռադարներից: Այն վթարի էր ենթարկվել և ընկել Կասպից ծովը:


Նշումներ:

Էջի հասցեն: https://verelq.am/hy/node/50522