Հայաստանը ներառվել է այն երկրների ցուցակում, որոնք բնակչության մեկ շնչի հաշվով ամենից շատ աղբն են արտադրում: Այս մասին տեղեկացնում է USA Today-ը։

Ըստ հետազոտության, Կանադան զբաղեցրել է առաջին տեղը ցուցակում, երկրորդ տեղում Բուլղարիան է, իսկ եռյակը եզրափակում է ԱՄՆ-ն։

Հայաստանը զբաղեցնում է վեցերորդ տեղը։ Հայաստանի յուրաքանչյուր քաղաքացու տարեկան բաժին է ընկնում 16,3 տոննա աղբ։ 

Ինչպես նշում է աղբյուրը, Հայաստանում 2014 թվականին մոտ 493 հազար տոննա մունիցիպալ թափոն է գրանցվել։ Հայաստանը մտնում է նաեւ այն երկրների շարքը, որոնք ամենաքիչ քանակությամբ գյուղատնտեսական եւ շինարարական աղբ ունեն։ Բայց այն, ինչը նպաստում է Հայաստանի վարկանիշի բարձրացմանը մնացորդների համաշխարհային խոշոր արտադրողների շարքում, հսկայական քանակությամբ արդյունաբերական մնացորդներն են, որոնք նա արտադրում է։ Երկրում արտադրվող 48 մլն տոննա ընդհանուր մնացորդներից 47,3 մլն տոննան արդյունաբերական է, նշում է աղբյուրը։

Ցուցակում են հայտնվել նաեւ Էստոնիան (23,5 տոննա), Ֆինլանդիան (16,6 տոննա), Շվեդիան (16,2 տոննա), Լյուքսեմբուրգը (11,8 տոննա), Ուկրաինան (10,6 տոննա), Սերբիան (8,9 տոննա)։