Հայաստանի Հանրապետության վարչապետ Նիկոլ Փաշինյանը շնորհավորել է Հայաստանի հավաքականին Եվրոպական խաղերում ունեցած հաջող մրցելույթների համար:

Այս մասին Նիկոլ Փաշինյանը գրառում է կատարել Facebook-ի իր էջում: «5 ոսկե, 3 արծաթե, 3 բրոնզե մեդալներ. շնորհավորում եմ Հայաստանի հավաքականին Եվրոպական խաղերում ունեցած հաջող մրցելույթների առիթով»,-գրել է նա:

Բելառուսի մայրաքաղաք Մինսկում ավարտվեցին երկրորդ Եվրոպական խաղերը։ Եվրոպական խաղերում հանդես եկան 4000-ից ավելի մարզիկներ՝ 50 երկրներից: Վիճարկվեց մեդալների 200 հավաքածու՝ 15 մարզաձևերում:

Եվրոպական խաղերին Հայաստանը մասնակցեց 37 մարզիկով՝ 9 մարզաձևերում: Հայաստանը ներկայացնող մարզիները նվաճեցին 5 ոսկե, 3 արծաթե ու 3 բրոնզե մեդալով։ Մեր թիմը մեդալային հաշվարկում զբաղեցրեց 11-րդ տեղը։