Մենք ուշի ուշով հետևում ենք ամեն ինչին և պատրաստ ենք ցանկացած զարգացման։ Այս մասին Facebook-ի իր էջում գրել է ՀՀ ՊՆ խոսնակ Արծրուն Հովհաննիսյանը՝ անդրադառնալով թուրք-ադրբեջանական զորավարժություններին:
«Հայաստանի Հանրապետության Զինված Ուժերը իր ռազմավարական դաշնակից Ռուսաստանի Դաշնության հետ համատեղ իրականացնում է ավելի մասշտաբային ու բովանդակային զորավարժություններ»,- գրել է նա։
Հիշեցնենք, հունիսի 7-11-ը Նախիջևանում անցկացվելու են «Անսասան եղբայրություն-2019» նշանաբանով թուրք-ադրբեջանական մարտավարական նշանակության զորավարժությունները:
Էջի հասցեն: https://verelq.am/hy/node/47965