ՌԴ-ն ակտիվացրել է ռոումինգի փուլային վերացմանն ուղղված աշխատանքները Եվրասիական տնտեսական միության ներսում։ Այս մասին այսօր հայտարարել է փոխվարչապետ Մաքսիմ Ակիմովը՝ հանդես գալով վարչապետ Դմիտրի Մեդվեդեւի մոտ փոխվարչապետերի հետ խորհրդակցությոան ժամանակ:
Ինչպես հայտնում է ՌԻԱ Նովոստին, նա հիշեցրել է, որ ՌԴ վարչապետ Դմիտրի Մեդվեդեւը հանձնարարել էր ակտիվացնել ռոումինգի փուլային վերացման աշխատանքը միության երկրների հետ: Նաև այն, որ 2017 թվականի հունիսին չեղարկվել էր ռոումինգը Եվրամիության երկրների միջեւ, ինչը դրական դեր է խաղացել ինտեգրման գործընթացներում։
Ըստ Ակիմովի, ռոումինգի վերացման գործընթացը ԵԱՏՄ տարածքում երկարատեւ գործընթաց է, բայց կարեւոր է, որ դրանից չտուժեն կապի ռուսաստանցի օպերատորները։ Առաջին քայլը կդառնա համաձայնագրի ընդունումը միասնական սակագնային տարածքի ստեղծման մասին՝ զանգերի ավարտի սպասարկման շուրջ։
«Փաստաթղթի նախագիծը ներկայացրել է Ռուսաստանը, մշակվում է Եվրասիական տնտեսական հանձնաժողովի կողմից: Հույս ունենք, որ այս տարի կհամաձայնեցնենք փաստաթուղթը դրա արագ ստորագրման համար»,- հավելել է փոխվարչապետը։
Էջի հասցեն: https://verelq.am/hy/node/47488