ՌԴ նախագահ Վլադիմիր Պուտինը հոկտեմբերի 1-ին կժամանի Հայաստան: Այս մասին ասուլիսի ժամանակ հայտնեց ՀՀ վարչապետ Նիկոլ Փաշինյանը:
Նրա խոսքով, Հայաստան են ժամանելու ոչ միայն ՌԴ նախագահը, այլև Եվրասիական տնտեսական միության անդամ երկրների ղեկավարները՝ ԵԱՏՄ բարձրագույն խորհրդի նիստին.
«Շատ կարևոր առիթ է Հայաստանի Հանրապետությունում, և շատ հաճելի առիթ է մեր գործընկերներին տեսնել Երևանում»,- նշեց Փաշինյանը:
Փաշինյանը նաև նշեց, դրա շրջանակներում տեղի կունենան նաև աշխատանքային երկխոսություններ:
Նշենք, որ Պուտինի այցը նախատեսվում էր դեռ նախորդ տարեվերջին, սակայն ըստ պաշտոնական վարկածի՝ ՌԴ նախագահի աշխատանքային խիտ գրաֆիկի պատճառով այն հետաձգվեց:
Էջի հասցեն: https://verelq.am/hy/node/46502